Cun proponer in lieu alternativ vulan ins preservar che la clinica banduna San Murezzan. La clinica ha da bandunar las localitads existentas l’onn 2023 e fin là ston ins avair in nov lieu. Empè dal lieu dispitaivel «Serletta Sid» duai la nova clinica vegnir fabritgada al «Bäderzentrum».
Serletta Sid
Atgnamain era previs da fabritgar en vischinanza dals hotels Badrutt’s Palace e Kulm ina nova clinica. Ils dus hotels ed era ulteriurs dus vischins han fatg recurs, cumbain che la populaziun ed era la regenza grischuna avevan gia dà glisch verda al project.
Bäderzentrum sco plan B
N’avess l'emprim project betg d'avair success datti cun la soluziun al Bäderzentrum in’alternativa. Per betg perder temp prevesan ins perquai proximamain da realisar il plan da quartier per il nov lieu.
RR novitads 12:00