Siglir tar il cuntegn

Header

Navigaziun

Legenda: Guardar il video Scuol conceda 3 milliuns per l'Institut Otalpin. Durada 01:11 minutas.
Or da Actualitad video dals 27.10.2015.
cuntegn

Engiadina Cler gea ad emprest da 3 milliuns per Institut Otalpin

Scuol di gea quasi unanimamain a l'emprest da 3 milliuns francs per salvar l'Institut Otalpin da Ftan.

La radunanza communala da Scuol ha ditg gea quasi unanimamain a l'emprest da 3 miliuns francs per l'Institut Otalpin a Ftan. L'emprest duai gidar a salvar la scola. Anc questa stad aveva decidì il cussegl administrativ vegl da stuvair serrar las portas.

Il nov cussegl administrativ è fitg cuntent cun la decisiun clera dal suveran da Scuol e vesa quai sco prim success per la prova da sanar la scola media en l'Engiadina Bassa. Suenter las turbulenzas da la stad passada aveva la scola tuttina pudì cumenzar il nov onn da scola cun 76 scolars.

Il proxim termin interessant è ussa la radunanza generala ordinaria da l'Institut Otalpin ils 5 december. Lura duain vegnir enconuschent prims detagls davart la strategia nova per la scola.

RR novitads 6:00