Siglir tar il cuntegn

Header

video
Claustra Son Jon: Grazia ad ina stanza da tgira pon las mungias restar fin l'ultim di da lur vita en claustra
Or da sil punct dals 05.08.2020.
laschar ir. Durada: 2 minutas 11 Secundas.
cuntegn

Claustra Son Jon Restar fin a la fin en claustra

Las 9 benedictinas da la Claustra Son Jon han uss ina stanza da tgira en lur atgnas 4 paraids – uschia pon ellas vegnir tgiradas tras malsognas ed er vegnir accumpagnadas fin a l’ultim di da lur vita.

Quella stanza ha la claustra sviluppà ensemen cun la Spitex. Ils basegns dal persunal medicinal ed ils basegns da la pazienta èn uschia vegnidas resguardads il meglier pussaivel.

La stanza da tgira sa chatta sper la clausura, uschia ha la pazienta la pussaivladad da sa participar a la vita dal mintgadi claustral, sch’ella vul.

audio
Stanza da tgira en la Claustra Son Jon a Müstair
ord Actualitad dals 05.08.2020.
laschar ir. Durada: 2 minutas 15 Secundas.

Dapi dus onns en lavur

Il 2018 han ins cumenzà cun il project da la stanza da tgira. La fundaziun Pro Claustra Son Jon ha pussibilità la realisaziun.

Il pli bel è, che la fundaziun Pro Claustra Son Jon na sustegna betg mo mirs vegls e reliquias. Ella sustegna surtut la vita en il convent.
Autur: Walter Anderau president fundaziun Pro Claustra Son Jon

Cun questa stanza da tgira na ston las soras da la Val Müstair betg pli ir en in center benedictin, sco per exempel a Sarnen, sch'ellas daventan dependentas da tgira. Ellas pon restar en lur dachasa enfin l’ultim di da lur vita.

RTR actualitad 17:00

Artitgels legids il pli savens