Siglir tar il cuntegn

Engiadina Circumstanzas difficilas per la plazza aviatica da Samedan

Las navaglias dals ultims dus dis han chaschunà circumstanzas difficilas per l'eroport da Samedan. Ils 25 centimeters naiv frestga han dà blera lavur ed ina fora en la bursa.

Legende: Video Gronda perdita per l'eroport da Samedan abspielen. Laufzeit 2:50 Minuten.
Or da Telesguard dals 28.12.2017.

Il pli impurtant en curt:

  • Navaglias e la schletta vista han sfurzà da serrar la pista per ils aviuns.
  • Mesemna fissan stads planisads atterraments da 21 jets.
  • L'eroport da Samedan funcziuna cun sgols sin vista.

Perquai ch'i ha dà blera naiv frestga e pervi da la vista nauscha han ils responsabels da la plazza aviatica a Samedan stuì serrar la pista per ils aviuns. Dapi mesemna en damaun n'han nagins aviuns pli pudì atterrar u partir da Samedan. Ultra da quai ha la naiv frestga chaschunà blera lavur: Il persunal dal ground service è abel da rumir l'entira plazza aviatica, circa 140'000 meters quadrats entaifer circa 1 ura.

La plazza aviatica funcziuna cun sgols sin vista

Legende: Video Eroport Samedan è serrà abspielen. Laufzeit 1:10 Minuten.
Or da Nouvo RTR dals 28.12.2017.

Ils pilots pon atterrar a Samedan be, sche la vista è buna. Quai fa vegnir l'entir manaschi magari dependents da l'aura. Ier, mesemna fissan stads planisads 21 jets, che avessan manà a l'eroport per atterrament en media var 5'000 francs.

Per l'enviern 2018/2019 è planisà dad introducir il sistem instrumental d'atterrament che sa basa sin GPS – cun quest sistem fiss il manaschi pli independents da l'aura.

RTR Telesguard 17:40