Siglir tar il cuntegn
cuntegn

Engiadina Cifras constantas tar curs da rumantsch puter

Per la 43avla giada porscha la fundaziun Planta durant duas emnas curs da rumantsch a Samedan. Radund 70 persunas èn s'annunziadas er quest onn per il curs da rumantsch en Engiadin’Ota. Quai è pli u main la media dals ultims onns.

Sala cun glieud
Legenda: Sala plaina l'emprim di dals curs da rumantsch a Samedan A. Caprez

Allegraivel saja ch’i dat quest onn 17 principiants che cumenzan ad emprender la lingua rumantscha, ha declerà il manader dals curs da rumantsch a Samedan, Mario Pult.

Nagin interess per curs per indigens

Deplorabel na datti naginas annunzias per la «Spüerta putera», ina purschida nua ch’indigens pudessan perfecziunar lur rumantsch dal mintgadi.

Sper las lecziuns da rumantsch passentan ils participants dals curs da rumantsch per part er lur temp liber ils suentermezdis ensemen. Uschia datti mintga di er in program accumpagnond cun excursiuns, referats, prelecziuns e spassegiadas.

Sustegn finanzial

Ils custs na vegnan ins betg da purtar sulettamain cun las contribuziuns dals participants. Be grazia il sustegn finanzial da pliras organisaziuns e fundaziuns èn ils curs da rumantsch a Samedan cun 6 magisters insumma pussaivels. Ils curs da rumantsch a Samedan sa cruschan quest onn durant la segund’emna cun quels en vallader a Scuol.