Christo expona a San Murezzan

L'artist da renum internaziunal Christo mussa skizzas da projects en lavur.

Christo

Legenda da maletgs: L'artist Christo expona a San Murezzan Christo durant la vernissascha da sia exposiziun a San Murezzan. Galeria Gmurzynska

L'artist da renum mundial Christo expona enfin ils 30 da mars skizzas da projects actuals en la galeria Gmurzynska a San Murezzan. L'artist dad 80 onns è enconuschent per emballar chasas u monuments. Uschia ha el emballà ensemen cun sia dunna Jeanne Claude per exempel il Reichstag a Berlin l'onn 1995.

il purtret floating piers da christo

Legenda da maletgs: Christo expona a San Murezzan CHRISTO The Floating Piers (Project for Lake Iseo, Italy) 2015 Courtesy Galerie Gmurzynska and © CHRISTO

A San Murezzan preschenta Christo skizzas da projects actuals. Sco ils «Floating Piers», ina passarella cun 200'000 cubs sintetics sin il Lago Iseo en Italia. Quel project è naschì l'onn 1970 e duai esser realisà durant questa stad. La passarella sintetica vegn ad avair ina lunghezza da radund 3 kilometers.

Christo è stà preschent a la vernissascha da l'exposiziun a San Murezzan. El saja vegnì gugent en Engiadina, enfin ussa haja el enconuschì questa cuntrada be da 2 visitas durant la stad e d'atun. Quai ha ditg Christo a Radiotelevisiun Svizra Rumantscha.


Christo expona a San Murezzan

4:32 min, Actualitad dals 15.02.2016