Siglir tar il cuntegn

Header

cuntegn

Engiadina Christian Jenny candidescha per il presidi da San Murezzan

Ils 23 da settember elegian ils da San Murezzan da nov lur president communal, e quest onn han els la schelta tranter almain dus candidats. Quai suenter che Christian Jenny, il fundatur dal Festival da Jazz, ha annunzià sia candidatura. El va cunter l'actual president da San Murezzan Sigi Asprion.

Christian Jenny di ch'el candidescha sco independent per il presidi da San Murezzan, suenter che giuvens e giuvnas da San Murezzan al hajan dumandà da far quai l'onn passà.

I dovria ina schelta

El veglia porscher a la glieud ina vaira elecziun, scriva Christian Jenny en la communicaziun che lantscha sia candidatura. Sche mo in candidat sa mettia mintga quatter onns a disposiziun, na saja quai nagina democrazia. Perfin sch'il suveran confermia il president actual e n'elegia betg el, saja quai tuttina anc meglier che da «mo pudair empustar mintga quatter onns il menu in».

In da San Murezzan tenor agens pleds

Christian Jenny è tenor atgnas indicaziuns collià dapi 20 onns cun San Murezzan. L'um da 40 onns è chantadur d'operas scolà e dapi 15 onns activ sco manager cultural ed organisatur d'occurrenzas. Ils davos diesch onns ha el sviluppà il Festival da Jazz, in impurtanta occurrenza culturala dal Grischun.

RR novitads 11:00

Artitgels legids il pli savens