Siglir tar il cuntegn

Header

Navigaziun

cuntegn

Engiadina Chattà dunna sparida sin ina tura cun gianellas

En Val Müstair han gidanters salvà ina dunna spussada e sfradentada suenter ch'ella n'era betg turnada d'ina tura cun gianellas.

Ina schlieusa a motor.
Legenda: La dunna da 69 onns da la Svizra è vegnida purtada cun la schlieusa a motor a Lü. MAD

Dumengia saira enturn las 20:00 haja l'hotel a Müstair annunzià la dunna da 69 onns sco sparida, quai scriva la polizia chantunala. A las 22:30 hajan ils gidanters lura chattà la dunna sur l'alp Champatsch.

Ella è vegnida transportada cun ina schlieusa a motor a Lü, nua ch'ina squadra da l'ospital Müstair ha tractà la dunna. La Rega, ch'è era vegnida alarmada per l'acziun da tschertga, ha silsuenter transportà ella en l'ospital a Samedan.

RR novitads 14:00