Siglir tar il cuntegn

Header

cuntegn

Engiadina Chattà 100 da passa 1'000 sorts da mistgel

Radund 50 experts han analisà la biodiversitad en il Parc da natira Biosfera Val Müstair durant il di Geo da la biodiversitad.

Dapi l'onn 1999 datti il di Geo da la biodiversitad. Il magazin GEO ha inizià il di, e dapi l'onn 2011 organisescha il Parc da natira Biosfera Val Müstair mintga dus onns era in di da la biodiversitad.

audio
Di da GEO da la Biodiversitad en Val Müstair
ord Actualitad dals 26.06.2017.
laschar ir. Durada: 3 minutas 18 Secundas.

Quest onn èn arrivads radund 50 experts - biologs, botanichers, etc. Els han tschertgà en in tschert perimeter tut las plantas respectivmain tut ils animals ch'i dat en Val Müstair. Ed i ha dà novas scuvertas: per exempel d'ina giansauna enfin ussa anc betg documentada en Val Müstair. E l'expert da mistgel Norbert Schnyder ha chattà radund 100 sorts da mistgel. En Svizra datti radund 1'000 sorts mistgel tenor Schnyder.

Per documentar ed analisar tut ils resultats, dura quai anc enfin in onn.

Vipra
Legenda: Hans Schmocker, expert da reptilias, mussa ina vipra. RTR, David Spinnler

Artitgels legids il pli savens