Siglir tar il cuntegn
Inhalt

Engiadina Chatschaders da Silvaplauna e Segl surpiglian lavur da polizia

Per proteger la selvaschina durant l'enviern van las vischnancas da Segl e Silvaplauna ina nova via: A partir dal 1. da december 2015 dastgan singuls chatschaders da la societad da chatscha Lagrev numnadamain chastiar mintgin che entra en zonas da repaus per selvaschina.

Legende: Video Chatschaders surveglian zonas da repaus per selvaschina. abspielen. Laufzeit 02:48 Minuten.
Or da Actualitad video dals 20.11.2015.

Per che la selvaschina haja pli simpel da surviver l’enviern, datti en il Grischun enturn 250 zonas da repaus. Fin ussa pudevan chatschaders ed autras persunas bain denunziar a sportists e turists che entravan tuttina en talas zonas, ma betg chastiar els cun ina multa.

Silvaplauna e Segl surdattan incumbensa a chatschaders

10 chatschaders da Segl e Silvaplauna pon far a partir da quest enviern controllas en ils territoris da skis da Corvatsch e Furtschellas e dastgan chastiar mintgin che na sa tegn betg vi da las reglas.

La basa legala per questa incumbensa dattan las duas vischnancas. Ella è da cumparar cun l'engaschament da policists communals, controlladers da pistas, controlladers da l'ura da polizia ubain controlladers da parcadis publics.