Siglir tar il cuntegn
Inhalt

Engiadina Chatschader croda a mort a Ramosch

A Ramosch è in chatschader da 66 onns crudà a mort durant la chatscha da capricorns; quai sin ina spunda taissa en la Val Chöglias a Ramosch.

val chöglias cun naiv
Legenda: D'ina spunda taissa è il chatschadur crudà a mort en la Val Chöglia. Polizia chantunala

Il glindesdi curt avant las 14:30 hajan dus chatschaders traversà ina spunda taissa cun pauc naiv en la Val Chöglias, scriva la Polizia chantunala. Là saja il chatschader da 66 onns glischnà radund 75 meters da la spunda giu e cupitgà en l'aual.

La Rega ha mo anc pudì salvar la bara. Las raschuns per la crudada investighescha la Polizia chantunala.

RR novitads 10:00