Siglir tar il cuntegn
Inhalt

Engiadina Chantun sustegna giubileum dal Maraton engiadinais

L’anniversari da 50 onns Maraton da skis engiadinais vegn sustegnì cun ina contribuziun unica da 40’000 francs. Quels raps vegnan or dal fond da la lottaria naziunala.

passlungists or da l'aria
Legenda: Per la 50avla ediziun dal Maraton da skis engiadinais han ils organisaturs previs plirs eveniments. swiss-image.ch

Il maraton da passlung da l'Engiadina è l'occurrenza la pli gronda da passlung en Svizra ed in dals eveniments ils pli impurtants dal sport da massa dal pajais. Dapi l'emprima realisaziun l'onn 1969 èn il resun internaziunal e la popularitad da l'occurrenza s'augmentads fermamain.