Siglir tar il cuntegn

Header

video
Mesiras cunter il PCB en il Spöl
Or da Actualitad dals 30.06.2017.
laschar ir. Durada: 2 minutas 46 Secundas.
cuntegn

Engiadina Chantun lascha nettegiar l'aua contaminada dal Spöl

En in emprim pass vegnia nettegià il batschigl gist sut il mir da fermada Punt dal Gall, scriva il chantun. Là saja l'aua contaminada il pli fitg.

Tge è PCB?

Avrir la box Serrar la box

PCB è in chlorid organic che vegniva duvrà sco isolaziun en condensaturs, transfurmaturs, ieli idraulic, colurs ni collas.Tenor l’uffizi federal per sanadad, tutga PCB tar las substanzas nuschaivlas persistentas. La Svizra è s'obligada d'identifitgar nua che PCB vegn avant ed eliminar quest. L'onn 1986 hai dà in scumond general per PCB.

Las lavurs per nettegiar il batschigl duain vegnir fatgas questa stad fin fanadur, entschatta avust. Suenter pon lura tant la svidera da fund e l'implant d'electric da dotaziun ir en funcziun. Da quai avevan ins desistì per betg derasar anc pli fitg ils sediments contaminads cun PCB.

Las mesiras per sanar cumplettamain l'aua contaminada dal Spöl n'èn però anc betg enconuschentas. I dovria ulteriurs scleriments. Ils tests fatgs enfin uss n'hajan betg purtà ils resultats giavischads.

L'aua dal Spöl era vegnida contaminada cun la substanza toxica PCB l'onn passà suenter lavurs da sanaziun vi dal mir da fermada da Punt dal Gall.

RR novtiads 10:00

Artitgels legids il pli savens