Siglir tar il cuntegn

Engiadina Champ d’aviatica per giuvenils a S-chanf

Pel mument èn radund 190 giuvenils a S-chanf en in champ d’aviatica organisà da la fundaziun Pro Aero. La fundaziun organisescha mintga stad tals champs e quai dapi 33 onns.

Legende: Video Champ d'aviatica per giuvenils Pro Aero abspielen. Laufzeit 3:24 Minuten.
Or da Actualitad video dals 04.08.2015.

L’intent da quests champs è da svegliar l’interess per l’aviatica ed avrir pels giuvenils las portas per il mund dal sgular.

Nua che pilots pon nascher

Avant 23 onns era Peter Müller da San Murezzan in dad els. Oz cun 37 onns ha el cuntanschì quai che era schon la ses grond siemi – sgular, esser pilot. Il champ da la Pro Aero l’ha gidà sin sia via.

Dapi che Peter Müller ha 20 onns è el numnadamain pilot da professiun. Cumenzà tar l’armada Svizra, ussa tar la Swiss en gir sin tut il mund. Destinaziuns favurisadas dad el èn l’Asia e l’America. Tar l’armada è el anc pilot da milissa.