Siglir tar il cuntegn

Header

Navigaziun

Purtret da medis en sala d'operaziun.
Legenda: Il nov medi cumentza l'entschatta da fanadur. Keystone
cuntegn

Engiadina Cesar Marazzi è nov schef da chirurgia en l'Engiadin'Ota

El è vegnì elegì da la cumissiun da l'ospital e cumenza sia plazza l'emprim da fanadur 2017 a Samedan.

Cesare Marazzi è naschì 1972 a Mendrisio. Suenter ses temp da scola en il Tessin ha el studegià medischina a Basilea. Medi assistent è el stà en l'ospital da l'universitad da Basilea ed en l'ospital St. Clara, era a Basilea. L'onn 2011 è el daventà medi spezialist da la chirurgia.

En il Hôpital du Jura a Delemont ed en il Ospedale Civico da Lugano è el stà medi superiur. Dapi l'onn 2013 è el stà responsabel per la chirurgia da surpaisa en collavuraziun cun Prof. Dr. med. Ralph Peterli a Basilea.

Sper sia lavur sco medi s'engascha el era per la furmaziun e scolaziun sco dozent e moderatur a differents congress e dis da scolaziun, sco era en la scolaziun per assistents e sco instructur tar AO-Tavau.

El è commember en differentas societads dal fatg e discurra dasper sia lingua da la mamma, talian era tudestg, franzos ed engles. El è maridà ed ha trais uffants.

RR novitads 17:00