Siglir tar il cuntegn

Header

Navigaziun

cuntegn

Center da tgira Samedan Proxim pass per Chasa da tgira Promulins

La radunanza communala da Madulain ha approvà cun 17 vuschs gea ed ina abstenziun a la dumonda da credit per ina nova chasa da tgira al lieu existent a Samedan. Cun quai han tut las 8 vischnancas tranter Puntraschigna e S-chanf ditg gea.

Tut sco planisà

En in proxim pass vegnia inoltrada la dumonda da bajegiar a Samedan per il project da total 53,5 milliuns francs. Quai ha confermà il president communal da Samedan e pledader da las vischnancas, Jon Fadri Huder.

Sche tut va tenor plan vul ins cumenzar cun la construcziun da la nova chasa da tgira a Samedan proxima primavaira. Uschia che l’edifizi fiss pront per la mesadad dal 2023.

Sper la chasa da tgira «Promulins» a Samedan, èn las vischnancas da Segl, Silvaplauna e San Murezzan vid la realisaziun d’ina nova chasa da tgira «Du Lac» a San Murezzan.

RR novitads 11:00