Siglir tar il cuntegn

Header

audio
Giubileum: 25 onns canortas en Engiadin'Ota
Or da Actualitad dals 23.06.2020.
laschar ir. Durada: 3 minutas 23 Secundas.
cuntegn

Canortas en Engiadin'Ota Er suenter 25 onns èn las canortas anc dumandadas

Il 1995 ha avert l’emprima canorta «Chünetta» a Samedan en Engiadin’Ota. Quella giada cun total 10 plazs da tgira. L’interess per quels plazs è stà grond dapi il cumenzament e perquai è il 2003 vegnida realisada ina segunda canorta a San Murezzan. Oz, 25 onns pli tard, datti cun Samedan, San Murezzan, Puntraschigna e Zuoz gia quatter canortas cun total 280 plazs da tgira e var 70 collavuraturs en Enigadin’Ota.

Er oz anc grond interess

Che l’interess per ils plazs da tgira è grond demussa er la glista da spetga. Tenor Laurence Badilatti, che ha surprendì il presidi da la fundaziun KIBE Engiadin’Ota il prim d'avrigl, datti actualmain tranter 60 e 70 uffants che spetgan sin in plaz en ina da las canortas – tranter auter però er uffants che n’èn anc betg naschids u ch’èn anc memia giuvens, uschia Laurence Badilatti.

dunna cun egliers.
Legenda: Laurence Badilatti è dapi il 1. d'avrigl la presidenta da la fundaziun KIBE Engiadin'Ota RTR, Anna Caprez

Sfida da chattar persunal

Er sche la situaziun actuala permettess ina tschintgavla canorta en Engiadin’Ota na vegn quai tenor Laurence Badilatti actualmain betg en dumonda. Memia gronda saja per l'ina la malsegirezza pervia la crisa da corona. Per l’autra èsi tenor Badilatti però er ina gronda sfida da chattar avunda persunal qualifitgà. Perquai vul ins uss stgaffir collavuraziuns cun differentas scolas per promover la lavur da tgira d’uffants e per mussar si a la societad quant impurtanta che la tgira dals uffants è – er gia avant il temp da scola obligatoric.

RTR actualitad 12:00

Artitgels legids il pli savens