Siglir tar il cuntegn

Header

cuntegn

Butia a Ramosch Butia u betg – il puls da la populaziun è dumandà

La Fundaziun Vnà organisescha ina saira d’orientaziun per discutar sur da models per mantegnair la butia en il vitg.

Dapi 35 onns mainan Theres ed Anton Häfner il Volg a Ramosch. La butia a l'ur da la fracziun da Ramosch consista dad ina furnaria, la Posta ed apunta la butia sezza. Oravant tut ils 500 abitants ed abitantas da las fracziuns Ramosch e Vnà vegnan qua a far las cumpras.

Anton Häfner e sia dunna van plaunet ma segir en direcziun pensiun. Perquai prevesan els da chalar e vulessan chattar ina successiun.

Agid da la fundaziun Vnà

La Fundaziun Vnà vul palpar il puls dals abitants. Ils 4 d'october organisescha ella perquai ina saira d’orientaziun. A quella chaschun vul la fundaziun preschentar differents models per manar enavant ina butia.

Nus sperain sin grond interess – la populaziun è la basa per il surviver da la butia.
Autur: Fadri RiatschPresident Fundaziun Vnà

RR actualitad 12:00