Engiadina - Buna producziun ma nagin gudogn per OEE
L’onn da gestiun 2014/15 han las Ovras electricas d’Engiadina OEE producì in zic pli pauc che l’onn avant, dentant 10% dapli che la media dals davos 10 onns.
Ils custs da producziun èn stads cun 4,46 raps per ura kilowatt uschè bass sco anc mai, quai er perquai ch’i n’ha dà il 2014/15 nagins gronds disturbis.
Tenor las ovras electricas Engiadina n’èsi dentant er cun bass pretschs da producziun betg pussaivel da far gudogn. Per gliez sajan ils pretschs da la forza electrica sin il martgà internaziunal memia bass.
