Siglir tar il cuntegn
cuntegn

Engiadina Buna bilantscha da 150 onns turissem d’enviern

Durant 5 mais han gieu lieu en l’Engiadin’Ota differentas occurrenzas enturn il sport e turissem d’enviern. Quai per festivar il cumenzament dal turissem d’enviern l’onn 1864 a San Murezzan e ses pioniers.

San Murezzan
Legenda: Il turissem d'enviern ha gieu ses cumenzement a San Murezzan mad

Quests dis han lieu las ultimas occurrenzas en connex cun il giubileum. Schon ussa ha il comité d'organisaziun fat bilantscha. Ina bilantscha positiva. Ins haja cuntanschì dapi che pensa, gieu in eco fitg grond sur ils cunfins svizzers ora ed in differents pajas.

Positiv saja sur tut che tut las organisaziuns sur hotellaria, pendicularas, destinaziun e privats tuts han lavurà ensemen. In spiert che stoppia restar viv, uschè il president dal comité d'organisaziun, Hans Ruedi Schaffner.

Finanzas equilibradas

Il quint final è anc betg sin maisa ma tenor il president dal comité Hans Ruedi Schaffner na dettia quai segira nagin deficit. In budget fix na avevan els betg, differentas organisaziuns ed instituziuns han repartì ils custs. Il pli grond post da cust era il concert d'avertura cun in mez milliun francs.