Engiadina - Budget 2016 da La Punt Chamues-ch cun surpli da stgars 3000.-
Las abitantas ed ils abitants da La Punt Chamues-ch han approvà il preventiv per l’onn che vegn. Quel serra cun in surpli d’entradas da 2’985 francs, quai tar entradas ed expensas da circa 7,5 milliuns francs.
La vischnanca lascha il pe da taglia sin 77,5% da la taglia chantunala simpla.
Latiers han ils vischins da La Punt Chamues-ch refusà in credit supplementar da 180’000 francs per la revitalisaziun da l’En e da l’aual da Chamuera. Il credit vegn refusà pervi da dubis davart dals purs da la vischnanca, scrivan ils responsabels da La Punt Chamues-ch.
