Siglir tar il cuntegn

Header

video
Las buccarias fan quitads en Grischun – uss er en Val Müstair
Or da Telesguard dals 08.06.2021.
laschar ir. Durada: 3 minutas 42 Secundas.
cuntegn

Buccarias Na be in privel per ils prads

Anc avant paucs onns era la buccaria en Val Müstair quasi nunenconuschenta. Quest onn hai però dà per la segunda giada in’invasiun. Suenter ch’ils donns èn stads l’onn 2017 oravant tut sin ils prads èn ils insects sa derasadas quest onn er en il guaud ed han donnegià las plantas.

audio
Buccarias en Val Müstair pericliteschan ils guauds da protecziun
ord Actualitad dals 09.06.2021.
laschar ir. Durada: 2 minutas 43 Secundas.

Agid d’experts

Il pur da Müstair, Armin Andri, ha examinà ensemen cun experts dal Plantahof pli precis quest bau. Ins saja vegnì a la conclusiun, ch’i sa tractia d’in bau da matg da guaud e betg sco en auters lieus da quel dal prà. Vul dir, ch'il bau en la Val Müstair na fa betg be quitads als purs, mabain che quel periclitescha er il guaud. Questa varianta da la buccaria sgola mintga quatter onns – e betg sco las autras mintga trais.

Bulieu duai gidar

Sin recumandaziun dals experts dal Plantahof ha Armin Andri semna l’onn passà in bulieu ch’i na dettia betg il bau en sia prada. Tenor el na fetschia quest bulieu però betg anc l’effect giavischà uschia ch’i ha dà quest onn tuttina in’invasiun. Vinavant duain prender tut ils purs questa mesira uschia che tut la prada è protegida.

RTR actualitad 06:00

Artitgels legids il pli savens