Siglir tar il cuntegn
cuntegn

Engiadina Brass Week Samedan exercitescha sin la muntogna

Per la 4. giada sa radunan musicists en l'Engiadina per exercitar durant in’emna musica da brass cun la scol’auta da musica Basilea ed il Mnozil Brass.

Legenda: Guardar il video Brass Week Samedan 2015. Durada 00:57 minutas.
Or da RTR dals 10.07.2015.

Ils 70 musicists exerciteschan durant uras sut la direcziun da plirs docents renumnads e perfecziuneschan uschia lur savair e talent. Sper ils lavuratoris, numerusas lecziuns datti er adina puspè concerts da la «Brass Week».

In pli spezial han ins udì sin l’Alp Languard, sin 2‘325 meters sur mar nua ch’ina pitschna gruppa ha exercità sper il «Lej Languard» e suenter dà in concert ad hoc per ils giasts da l’ustaria.

Il vent buffa pli ferm

Fatg impressiun als giuvens musicists ha surtut la cuntrada imposanta, il panorama, ma er il vent che ha adina puspè buffà davent ils fegls cun las notas.

Dus concerts furman la fin da l’emna musicala a Samedan. In concert il venderdi saira en l’arena Promulins, e l’auter la sonda avant mezdi sin la plazza communala da Samedan.