Siglir tar il cuntegn

Header

video
Via tranter Scuol ed Ardez – las lavurs da segirezza cumenzan mez d'avust
Or da sil punct dals 06.08.2020.
laschar ir. Durada: 1 minuta 53 Secundas.
cuntegn

Bova tranter Ardez e Scuol Nagins lavurers – be in’ampla dapi in mez onn

Causa ina bova è vegnida serrada il december per part la via tranter Ardez e Scuol. L'avust finalmain cumenzan las lavurs da segirezza. L'avertura è planisada per il december.

L'enviern hajan ins stuì spetgar per far las examinaziuns geologicas, lura hajan ins stuì sa decider per la meglra varianta per segirar la via principala tras l’Engiadina – e quai dovria temp, declera il manader projects e construcziun dal district 4, Rafael da Silva.

Il resultat da las examinaziuns

Il spelm ha grondas sfessas ed en quellas sfessas è entrada bler'aua. Avant che cumenzar cun las lavurs da segirezza han ins perquai stuì spetgar ed observar, sche quell’aua chaschuna ch'anc dapli material croda sin via ubain sche quella aua ha la pussaivladad da cular davent.

audio
Via tranter Scuol ed Ardez: Nagins lavurers – be ina ampla
ord Actualitad dals 06.08.2020.
laschar ir. Durada: 2 minutas 43 Secundas.

Encletga per ils automobilists

Per evaluar a fund la situaziun e chattar il gist project per evitar ulteriurs donns dovria in tschert temp, di Rafael da Silva. La segirezza saja fitg impurtanta e sch'i capitia insatge sajan las consequenzas anc pli grondas.

Custs ed avertura

Las lavurs cumenzan anc quest mais e duran dus mais. Il project vegn a custar radund in mez milliun. L’avertura è previsa per la fin da november u l’entschatta da december 2020.

RTR actualitad 17:00

Artitgels legids il pli savens