Siglir tar il cuntegn
Inhalt

Engiadina «Bonnie & Clyde» per corvs – u l'intelligenza dals utschels

Questa primavaira han guardias dal Parc Naziunal Svizzer observà in'acziun da dus corvs gronds che fa star stut. Ils dus utschels han cumenzà a demontar in gnieu d'in tschess barbet.

Legende: Audio Mezdi: RTR ha in utschè – Corvs disturban gnieu da girun abspielen. Laufzeit 03:22 Minuten.
03:22 min, Actualitad dals 04.05.2017.

Il pli grond utschè da las alps era durant quest'acziun vi dal cuar in ov. Ils dus corvs gronds n'hajan mussà nagina tema u respect envers il pèrin da tschess barbet durant lur acziun.

Ussa basta!

Finalmain hajan ils dus tschess barbet scurrentà ils dus corvs per betg periclitar vinavant lur cuaditsch. Tenor il ornitolog e guardia-parc Claudio Irniger, demussan precis da questas situaziuns l’intelligenza dals utschels nairs. Na per nagut vegnian quels adina puspè avant en parablas.

Naiv plascha als ornitologs

Per ir en tschertga d’utschels e lur chant saja l’aura actuala en l'Engiadina en sasez optimal, di l'ornitolog Claudio Irniger. Grazia a la naiv, fetschian ils utschels migrants savens ina pausa en val, avant che cuntinuar lur sgol e viadi vers il nord.

Tut ils utschels indigens en in’egliada

In maletg d'in utschels ord ils nums da tut ils utschels existents en l'Engiadina.
Legenda: La grondezza da la scrittira sta in relaziun cun la derasaziun en la regiun. RTR

RR actualitad 11:00