180’093 entradas èn vegnidas registradas l’onn 2017 en il Bogn Engiadina Scuol. Cumpareglià cun il 2016 èn quai radund 5’000 entradas damain. Oravant tut l’enviern 2016/17 cun pauca naiv sajan pli paucs vegnì en il bogn.
Ma era las ulteriuras spartas, il bogn roman-irlandais ed il center da terapia e wellness han gì ina digren da giasts.
Mesiras per diminuir las expensas da gestiun
Durant l’onn 2017 è vegnida optimada l’effizienza energetica dal bogn, quai cun optimar la geotermia. Uschia vul ins reducir il consum d’ieli.
Il Bogn Engiadina Scuol fa part dal «Center da sandà Engiadina Bassa». D'ina vart retiran els servetschs en la spartas persunal, tecnologia d’infurmaziun e lavandaria ch'èn domiciliadas en l'ospital. Els porschan dentant maun l'ospital en las spartas tecnica, mantegniment e marketing. Tut mesiras per daventar pli effizient.
Il retgav da gestiun importa 3.9 milliuns francs e las sortidas radund 5.7 milliuns francs. Il vitg da Scuol paja, tenor ina cunvegna da prestaziun in import da 1.8 milliuns – uschia è il quint equilibrà.
Elecziun dal cussegl administrativ
La radunanza generala ha confermà las suandantas persunas per la perioda da trais onns 2018 – 2021:
Adrian Barbüda, Scuol
Christian Fanzun, Scuol
Gion J. Fravi, Marschwanden
Philipp Gunzinger, Scuol
Armon Kirchen, Valsot
Joachim Koppenberg, Scuol
Thomas Meyer, Scuol
Jon Carl Rauch, Scuol
RR novitads 06:00