Siglir tar il cuntegn

Engiadina Blera prominenza a l’avertura dal festival da jazz

Ils responsabels dal festival da jazz han envidà a la prominenza e quels en vegnids. L’avertura dal la 10avla ediziun dal festival da jazz è stada mesemna saira, ils 5 da fanadur, en il hotel Kronenhof a Puntraschigna.

Christian Jott Jenny e Rolf Sachs ils organisaturs dal festival da jazz.
Legenda: Christian Jott Jenny e Rolf Sachs , ils organisaturs dal festival da jazz durant l'avertura dal festival 2017. Reto Mayer

Christian Gross, trenader da ballape; Barbara Janom Steiner, cussegliera guvernativa; ils cabarettists Victor Giacobbo e Claudio Zuccolini ed il musicist Pepe Lienhard. Quai sulet ina part dals prominents ch'eran a l’avertura da 10 onns festival da jazz. Sut la devisa vesair e vegnir vesì è quella avertura vegnida festivada cun trais differents concerts.

Sur 45 concerts

Dals 5 fin ils 30 da fanadur èn previs bundand 45 concerts. Per gronda part han quels gì lieu en il «Dracula Club» a San Muerzzan. Ma il festival da jazz ha er concerts tranter auter al «Rondo» a Puntraschigna, si «Mottas Muragl» u en il «hotel Reine Victoira». Il punct culminat èn lura ils concerts da Paolo Conte, Jamie Cullum, Herbie Hancock, Nigel Kennedy u Hiromi.

RR actualitad 12:00