Siglir tar il cuntegn

Engiadina Bilantscha positiva per il bike-maraton dal Parc Naziunal

Il 15avel bike-maraton dal Parc Naziunal tutga tar il passà ed ils responsabels tiran ina bilantscha positiva. Cun 1'921 ciclists è la participaziun sin in aut nivel – cumparegliabel cun ils ultims onns.

Legende: Video Bilantscha positiva per il bike maraton dal Parc Naziunal abspielen. Laufzeit 02:01 Minuten.
Or da RTR dals 29.08.2016.

Entant che tar bleras autras cursas da velos va enavos il dumber da participants, uschia ch'ellas han difficultads da surviver, ha gì il bike-maraton success. El è daventà la pli gronda cursa da velos da muntogna en il Grischun. Quai suenter ch'il Swiss Bike Masters en il Partenz n'ha betg survivì.

Il bike-maraton dal Parc Naziunal maina, tenor ils organisaturs, radund 1 milliun francs en la regiun. Sper quai saja il bike-maraton ina plattafurma na pajabla per far reclama turistica per la regiun.

Telesguard 17:40