Siglir tar il cuntegn
cuntegn

Engiadina Bieraria Engiadinaisa mida da Tschlin a Martina

La Bieraria Tschlin SA engrondescha il lieu da producziun. Perquai fan els ussa midada da Tschlin a Martina en novas e pli grondas localitads.

Legenda: Guardar il video La midada ha cumenzà. Durada 02:15 minutas.
Or da Actualitad video dals 18.11.2015.

La producziun da la Bieraria da Tschlin è creschida ils ultims onns permanentamain. Quai ha gì per consequenza che las localitads a Tschlin eran massa pitschnas. Per pudair producir la medema quantitad da biera sco ils ultims 2 onns e per l’avegnir da la Bieraria Tschlin duvravi localitads pli grondas.

Quest emna han uss cumenzà las lavurs da far midada. En in prim pass vegn transportada la part per far la biera en il vitg Martina. Ina part dals tancs da deposit ch’èn il mument anc plains restan a Tschlin, quai per garantir la furniziun pels proxims 2 mais. La segunda part vegn montada a Martina per producir la biera che vegn fatg frestga. L’implant d’emplenir las buttiglias vegn alura translocà en ina segunda fasa da Tschlin a Martina.