Siglir tar il cuntegn
Inhalt

Engiadina Biera Engiadinaisa per l’ambassada Svizra a Washington

La Bieraria da Tschlin po furnir da nov lur Biera Engiadinaisa en ils Stadis Unids da l’America. L’ambassadur da la Svizra a Washington ha decidì da servir a ses giasts en l'avegnir er la biera da Tschlin.

Capitol a Washington (montascha: dretga ina biera da Tschlin)
Legenda: La biera da Tschlin arriva enfin a Washington. Reuters, elavurà Georg Luzzi

Da diversas bieras ch'èn vegnidas en dumonda è l’ambassadur Svizzer a Washington sa decidì per la Biera Engiadinaisa, la biera da Tschlin. La fin finala er perquai che la biera gusta e perquai che la biera vegn fatga cumplainamain cun products svizzers.

I na sa tracta betg d'ina gronda quantitad

Sco quai che Reto Rauch, il manader da gestiun da la Bieraria da Tschlin ha ditg, na sa tractia quai betg d'ina gronda furniziun. I sa tractia ussa ina giada d'ina mezza paletta biera Engiadinaisa Ambra. Per els è quai ina grond'onur che l’ambassadur è sa decidì per lur biera.

RR actualitad 07:00