La midada a Martina è fatga - l'emprima "Biera da Tschlin" è embuttigliada ils 25 da schaner a Martina. En l’anteriura chasa da las ovras electricas èn las localitads pli grondas e pli modernas. Uschia po la producziun vegnir augmentada per passa il dubel.
audio
Bunura: La bieraria Tschlin expandescha e sviluppescha
ord Actualitad dals 26.01.2016.
laschar ir. Durada: 3 minutas 15 Secundas.
La midada da la bieraria è vegnida fatga en duas fasas. Sco emprim pass è la producziun da la biera vegnida spustada. Quai è capità enfin la mesadad da december. En in segund pass han ins transferì ils tancs per madirar e l’implant dad embuttigliar. Ina gronda sfida, perquai che la furniziun a la clientella na pudeva betg vegnir interrutta. Sco quai ch'il maina gestiun, Reto Rauch ha ditg envers RTR è quai reussì per gronda part.
RR Actualitad bunura 06:00