Siglir tar il cuntegn
cuntegn

Engiadina Bibi Vaplan e la magia dal mintgadi

Nus enconuschain ella sco chantadura che fa sezza ils texts per sias chanzuns: l'engiadinaisa Bianca Mayer, alias Bibi Vaplan. Uss datti in cudesch cun insatgs litterars da l'artista. «e las culurs dals pleds» è in'emprova da metter en poesia muments dal mintgadi.

Bianca Mayer, alias Bibi Vaplan.
Legenda: Bianca Mayer, alias Bibi Vaplan. mad

Ils texts da sias chanzuns eran enfin ussa expressivs e poetics, savens er da tempra melanconica. «e las culurs dals pleds» cuntegna texts curts ed ultracurts ch’èn per part quai che nus chapin sut poesias. Auters texts èn ponderaziuns filosoficas, aforissems u simplamain gieus da pleds che fan beffas da las absurditads da la vita.

120 paginas cun pleds, frasas, dumondas, istorginas e gieus da pleds en rumantsch e tudestg nua che l’autura mussa ses mund e ses sguard bunamain d’uffant da guardar sin las chaussas enturn nus. In viadi creativ en in mund schreg cun pleds ed ideas a travers.

RR actualitad 8:00