Siglir tar il cuntegn
Inhalt

Engiadina Bever vul esser in lieu da generaziuns, da furmaziun e da natira

La suprastanza da Bever ha elavurà las finamiras strategicas per ils proxims onns: ins vul esser in lieu per abitar per tuts, in lieu da furmaziun e perscrutaziun, ed era in lieu per giudair la natira e per far sport

Bever
Legenda: La vischnanca da Bever mad

La suprastanza communala ha preschentà durant la radunanza communala da glindesdi saira ils trais secturs nua ch’ella vesa il potenzial e surtut las fermezzas da Bever.

Vischnanca da generaziuns

Bever duai porscher abitaziuns e chasas per famiglias giuvnas. Er persunas pli veglias duain dentant avair bunas structuras per viver a Bever. Per cuntanscher quai vul Bever reveder la lescha da fabrica e promover la fabrica da primas abitaziuns.

Lieu da furmaziun ed IT

En avegnir vul Bever rinforzar la scola a reguard novas tecnologias digitalas. Uschia poss’ins duvrar las localitads da la scola da Bever er per novas furmas da champs. La tecnologia cun fibra da vaider duai en pli gidar a crear plazzas da lavur innovativas.

Turissem da sport e natira

Bever saja ina vischnanca predestinada per activitads en il liber. La suprastanza vul era metter in accent tar l’infrastructura per giudair la natira. La zona revitalisada enturn l’En è in punct impurtant per questa finamira.

RR novitads 11:00