La radunanza communala da Bever ha decidì da dar la cumpetenza a la suprastanza communala da signar aczias da la pendiculara Lagalb. La suprastanza po signar aczias en la valur da 25'000 francs. Sche la vischnanca signa propi in pachet d'aczias n'è anc betg decidì. Bever fiss l'emprima vischnanca che signa aczias per la pendiculara da Lagalb.
La Pro Lagalb che vul salvar la pendiculara sin territori da Puntraschigna sto ramassar in chapital d'aczias da 5 milliuns francs enfin la fin da zercladur per pudair salvar la pendiculara. La societad possessura da fin qua, la Engiadina Mountains aveva decidì da betg pli gestiunar vinavant la pendiculara Lagalb.