Siglir tar il cuntegn
Inhalt

Engiadina Bever di gea a nova organisaziun dal turissem

Cler gea per fundar la nova societad d'aczias "Engiadina San Murezzan Turissem SA"

La vopna da la vischnanca da Bever.
Legenda: Bever di gea a la nova organisaziun turistica en Engiadin'Ota. RTR

La radunanza communala da Bever da ditg cleramain gea a la nova organisaziun turistica en Engiadin'Ota. Suenter Segl è Bever la segunda vischnanca da l'Engiadin'Ota che ha decidì en chaussa.

La radunanza communala ha ditg gea cun 26 encunter 2 vuschs da fundar la nova societad d'aczias "Engiadina San Murezzan Turissem SA". La reorganisaziun dal turissem en Engiadin'Ota è necessaria cun quai che il circul vegn abolì e na po uschia betg pli esser l'organisaziun purtadra per il turissem.

En pli ha Bever era anc ditg gea ad ina cunvegna da prestaziun cun la regiun Malögia per il svilup regiunal.