Siglir tar il cuntegn
Inhalt

Engiadina Bever decida per chasa da tgira Promulins

Ils da Bever han concedì la gievgia saira il quint annual e ditg gea a la projectaziun da la chasa da tgira Promulins.

Il vitg da Bever vers Samedan.
Legenda: Bever ha decidì per la chasa da tgira Promulins. MAD

La radunanza communala da Bever ha ditg «gea» a la projectaziun d'ina chasa da tgira sin l'areal da Promulins a Samedan. Ils da Bever han approvà la cumpart da lur vischnanca da bun 90'000.- francs. Il credit da projectaziun total munta a bun 1,4 milliuns francs. La chasa da tgira duai vegnir realisada ensemen cun sis autras vischnancas da l'Engiadin'Ota.

Nova lescha per taxas turisticas

Il quint annual 2016 da Bever serra cun in gudogn da radund 43’000.- francs. La radunanza communala ha approvà il quint. Ultra da quai han ils da Bever approvà la lescha revedida davart las taxas per giasts e per il turissem. Era la revisiun parziala da la planisaziun communala da l'areal Vallatscha è vegnida acceptada dals votants e las votantas. Plinavant ha la radunanza concedì dus credits per sanar il lavuratori communal e la plazza dal vitg da Bever.

RR novitads 12:00