Siglir tar il cuntegn

Header

audio
Bavania ad Ardez n'ha betg lieu
Or da Actualitad dals 07.01.2022.
laschar ir. Durada: 2 minutas 41 Secundas.
cuntegn

Bavania ad Ardez Era quest’onn restan ils costums en stgaffa

Per la segunda giada ha la giuventetgna d’Ardez decis da betg realisar la tradiziunala festa causa la pandemia.

La situaziun actuala da la pandemia na permetta betg ina festa segira ed allegraivla. La giuventetgna sez è pertutgada da la pandemia. Singuls commembers èn en isolaziun. Per realisar la festa èsi necessari da tegnair en las reglas 2G+. Tenor in dals organisaturs Simon Raisun, na vegnissan latiers blers betg a la festa pervia da questas reglas.

L’organisaziun da la festa era sin buna via. Il permiss da la vischnanca era sin maisa ed era l’infrastructura quasi pronta.

Nus avessan gì 14 pèrins – quai è fitg allegraivel. Ils davos onns era quai adina ina sfida da chattar avunda pèrins.
Autur: Simon Raisun Organisatur Babania ad Ardez

Simon Raisun è dentant optimistic. Ussa hajan els las adressas dals pèrins e gia organisà ina gronda part da la festa. Quai vegnian els be pudair prender ord stgaffa per realisar la Bavania 2023.

RTR actualitad 12:00

Artitgels legids il pli savens