Siglir tar il cuntegn

Header

cuntegn

Engiadina Basa per nova chasa da tgira Promulins è dada

Questas sa basan sin studis per part schont existents e prevesan u bain novs bajetgs, renovaziuns ed engrondiments ni ina cumbinaziun. La cumissiun ospital/chasa da tgira preferiss la varianta d’ina nova chasa cun 72 letgs ed in iert da demenza e la renovaziun d’ina part existenta.

Las localitads da la part renovada pudess ins lura dar a fit a medis, fisioterapeuts, coiffeurs ni auter pli che faschess segn en vischinanza d'ina chasa da tgira.

audio
Saira: Nova chasa da tgira Promulins per l'onn 2020?
ord Actualitad dals 17.12.2015.
laschar ir. Durada: 3 minutas 19 Secundas.

Cun la preschentaziun da las 4 variantas pussaivlas è la lavur da la cumissiun atgnamain fatga. Era il parlament d'Engiadin'Ota na vegn betg pli a decider davart in project pussaivel. Il lead e la decisiun è tar las vischnancas da l'Engiadin'Ota sut. Vul dir: da Schlarigna fin a S-chanf.

Finamira duai uss esser da coordinar ils 2 projects per novas chasas da tgira, quel a San Murezzan e quel a Samedan. Mintg'ina dad ellas duai porscher radund 72 letgs da tgira. A Promulins fissi dentant pussaivel da bajegiar en etappas ha ditg il landamma Gian Duri Ratti.

Realisabel per l'onn 2020

Tenor plan pudess la nova chasa da tgira Promulins esser realisada l'onn 2020. Tut tenor che varianta che vegn realisada vegn quai a custar 26 fin 29 milliuns francs. La decisiun, tge varianta che duai vegnir persequitada vinavant è uss tals presidents communals.

Artitgels legids il pli savens