Siglir tar il cuntegn

Engiadina Ballas da fain coluradas per ina buna chaussa

Ballas da fain rosa e blau embelleschan la natira. Sch’il plastic è alv u colurà, quai è tuttina per la qualitad dal fain. Cun pachetar en ballas coluradas vegn sustegnì per ina buna chaussa, numnadamain il cumbat cunter il cancer.

Sut Ramosch è da vesair ballas da silo en blau en rosa.
Legenda: Sut Ramosch è da vesair ballas da silo en blau en rosa. RTR, G. Luzzi

Tant che las ballas rosa èn enconuschentas èn las ballas blauas nov quest onn da vesair sin la prada. Cun cumprar il plastic blau per pachetar il fain vulan ins far vegnir pli conscient ils umens da questa malsogna.

Radund 3 francs a favur da scienza da cancer

Purs che cumpran las rollas blauas pajan radund 3.00 francs dapli che per las rollas alvas, sustegnian dentant la perscrutaziun dal cancer da prostata.

Cancer da prostata in tema delicat

Da la malsogna dal cancer da prostata èn pertutgads radund 6’200 umens en Svizra. Cun questa acziun vulan ins sensibilisar ils umens da laschar controllar regularmain cunter questa malsogna.