Siglir tar il cuntegn
cuntegn

Engiadina «Aus den Bündner Bergen» - in autra vista da las muntognas

Robert Bösch, enconuschent fotograf da natira ed action, tschertga novas vias per fotografar las muntognas. Ord ina cuntrada enconuschenta mussar purtrets nunenconuschents, quai è sia filosofia.

Legenda: Guardar il video Robert Bösch è sa deditgà tar ses nov project a las muntognas grischunas. Durada 03:41 minutas.
Or da Telesguard dals 07.12.2016.

Geograf, guida da muntogna e fotograf, dapi 30 onns è Robert Bösch cun sia camera da fotografar da viadi sin las pli enconuschentas, spectacularas e autas muntognas da quest mund, adina en tschertga dal mument il pli fascinant per realisar ina fotografia.

«Aus den Bündner Bergen»

Cul cudesch «Aus den Bündner Bergen» ha Robert Bösch tschertga in’autra vista da las muntognas. Ina vista misteriusa e per part nunenconuschenta. Cun realisar quest project ha el conscientamain mess en dumonda las reglas classicas da fotografar.

Dapi dus onns è il fotograf Robert Bösch viagià tras il Grischun ed ha tschertgà ils motivs ideals per il project. Adina puspè ha el gì dubis sche l’idea è buna e forsa era absurda. Finalmain è il cudesch «Aus den Bündner Bergen» sin maisa e mintga contemplader astga far ses agens pensaments.

RR actualitad 17:00