Siglir tar il cuntegn
cuntegn

Engiadina Auas restantas culan en Val S-charl ed a Susauna

Las Ouvras Electricas d’Engiadina SA han elavurà ina nova schliaziun per la sanaziun da l’aua restanta da lur implants. L’interpresa ha investì passa 300’000 francs per reconstruir duas tschiffadas d’aua.

Uschia sa preschenta la tschiffada d'aua Vallember tar Susauna.
Legenda: Uschia sa preschenta la tschiffada d'aua Vallember tar Susauna. MAD

Tenor cunvegna s’obligheschan las Ouvras Electricas d’Engiadina da laschar cular auas restantas a la tschiffada da Clemgia en Val S-charl tar Scuol ed a la tschiffada da Vallember tar Susauna sut S-chanf.

Las lavurs èn terminadas, uschia che las 2 tschiffadas èn vegnidas dadas libras ils 30 da november. Quai munta tenor las ovras in augment da la valur da l’ambient e da la vista da la cuntrada.

La schliaziun ha l’interpresa elavurà ensemen cun il chantun, las vischnancas, il Parc naziunal svizzer, il WWF, la Pro Natura e la Federaziun chantunala da pestga.

RR novitads 14:00