In bun menu e vitiers in bun vin e per finir arriva era ina clocca aua sin maisa. Ma qua datti differenzas: tar in bun vin cotschen èsi meglier da baiver aua senza gas, percunter gusta il vin alv meglier cun dasper aua cun gas.
Claudia Vontobel da Scuol è someliera d’aua. Ella abita dapi trais onns a Scuol. Gist en ils conturns datti differentas auas mineralas, quai ha fascinà ella. Perquai ha ella fatg differents curs per daventar someliera.
La finamira da Claudia Vontobel è da sensibilisar la populaziun per quest stgazi d’aua ch'exista en Engiadina Bassa.
Dis da l’«Aua Forta»
Dals 16 fin ils 21 da mars han lieu a Scuol ils dis da l’aua. Il program è vast e raquinta da l’istorgia e da la derivanza da l’aua. E natiralmain dastga era Claudia Vontobel raquintar sur da las differentas qualitads e gusts da l’aua.
RR actualitad 08:00