Siglir tar il cuntegn
Inhalt

Engiadina Art da renum en Bregaglia

Il project d'art «Arte Albigna» preschenta installaziuns d'art dad artists renumads sco Evelina Cajacob, Roman Signer u Pipilotti Rist - tut quai sut tschiel avert.

l'ovra d'art cun 3 candelabers sur il lai da serra Albigna
Legenda: Trais candelabers da metal: l'ovra «clearing, OI#17235» da l'artist Bob Gramsma, sur il lai da serra Albigna. Ralph Feiner

Il project d'art «Arte Albigna» pon ins emprender d'enconuscher durant ina gita en muntogna en la regiun Albigna en Bregaglia. La tura cumenza tar la staziun a val da la pendiculara Albigna sin 1'200 meters sur mar enfin si tar il mir dal lai da serra Albigna sin 2'165 meters sur mar e vinavant tar la chamona Capanna da l'Albigna sin 2'333 meters sur mar.

l'ovra cun il Piaggio che penda vid il mir da lai da serra Albigna
Legenda: L'ovra «Piaggio an der Mauer» da l'artist svizzer Roman Signer. Ralph Feiner

Spectacul artistic en la natira selvadia

La direcziun artistica «Arte Albigna» è tar l'artist Luciano Fasciati da l'Uniun Progetti d'arte Val Bregaglia. «Arte Albigna» vul trair a niz la scenaria da la regiun Albigna ch'è sa transmidada dad in lieu selvadi e natiral en in lieu selvadi e tecnic, entras il mir dal lai da serra e la tecnica per producir forza electrica.

«Arte Albigna» preschenta ovras dad artists sco Jules Spinatsch, Evelina Cajacob, Pipilotti Rist, Roman Signer, Yves Mettler u Bob Gramsma. Il project d'art cumenza ils 2 da fanadur e dura enfin ils 30 settember.

RR actualitad 07:00