Siglir tar il cuntegn
Inhalt

Engiadina Armon Vital è nov commember da la UBI

Armon Vital, advocat independent e notar da l'Engiadina Bassa è nov commember da la UBI, l'Instanza independenta da recurs da radio e televisiun. Quai ha annunzià il secretariat general dal Departament federal per ambient, traffic, energia e communicaziun (UVEK).

Armon Vital.
Legenda: Armon Vital. MAD

Il Cussegl federal ha elegì Vital che mantegn uschia la represchentanza rumantscha en il gremi. Vital è stà durant plirs onns derschader accessoric a la Dretgira dal chantun Grischun.

Santschi-Kallay remplazza Vincenz Augustin

Plinavant ha il cussegl federal elegì Mascha Santschi Kallay sco nova presidenta da la UBI. Il 1. da schaner 2019 surpiglia ella quest post da Vincent Augustin che sto sa retrair perquai ch'el è da nov il president da la SRG SSR Svizra Rumantscha. Santschi Kallay è dapi il 2016 commembra da la UBI.

RR novitads 15:00