Il fatg che l’armada fa questa lavur ha oravant tut in motiv:
Per la truppa da genia saja quai in lieu optimal per la scolaziun, di il adjutant sin plazza, Stephan Rauber. Qua pon ils recruts trenar quai che fan suenter durant ils curs da repetiziun. Mintg’in da quest schuldas è suenter la scola da recruts numnadamain staziunà sin ina da las plazzas aviaticas da l’armada. E Samedan saja ideal per vesair co quai è da lavurar sut circumstanzas realas.
Pista è per gronda part serrada
Durant las emnas che l’armada è sin plazza è la pista per gronda part serrada per aviuns. Be durant in pèr uras pon aviuns platgar e partir.
Quai procura qua e la per reclamaziuns di Andrea Parolini, pledader da medias da la plazza aviatica. Uss, durant la stagiun morta, saja dentant il temp ideal per far las sanaziuns. Impurtant saja che questas vegnan fatgas uschè che tut e pront per la stagiun.
