Siglir tar il cuntegn
Inhalt

Engiadina Approvà 7 rendaquints annuals entaifer 3 uras

Il cussegl regiunal d’Engiadin’Ota ha tractà ed approvà durant sia ultima sesida ils rendaquints 2015 da pliras gestiuns.

rendaquints
Legenda: Bler palpiri per ils cussegliers regiunals d'Engiadin'Ota. RTR, A. Caprez

Il parlament regiunal ha tranter auter approvà il rendaquint 2015 da l’ospital regiunal a Samedan. Las 10 vischnancas da Malögia fin e cun S-chanf han da contribuir 2,6 milliuns francs vid la gestiun. En tut è il quint per 77’000 francs meglier co l’onn 2014.

Finamira resta

Sco ch’il directur da l’ospital Samedan, Heinz Schneider, ha suttastritgà a la radunanza dal cussegl regiunal d’Engiadin’Ota, saja la finamira anc adina da cuntanscher cifras nairas per l’onn 2018. Influenza negativa sin il quint actual hajan gì il numer da cas da pazients pli bass ed er la malsegirtad tar las taxas da tariffas.

Approvà senza grondas discussiuns

Ultra da quai han ils 30 cussegliers regiunals ch’eran preschents a la sesida, er approvà ils rendaquints 2015 da la chasa da tgira Promulins, il traffic public, la plazza aviatica u era la destinaziun turistica Engiadina San Murezzan.