Siglir tar il cuntegn

Engiadina Anè da Vico Torriani sco portafortuna per actur dal musical

Durant ina da las ultimas provas per il musical “Hotel Victoria” che vegn represchentà a San Murezzan proxim’emna, ha la figlia da Vico Torriani, Nicole Kündig-Torriani, surdà in rintg tut spezial ad in dals dus umens che giogan la rolla dal chantadur ed entertainer en il musical.

Legende: Video Vico Torriani sco musical abspielen. Laufzeit 2:42 Minuten.
Or da Actualitad video dals 19.02.2016.

L’anè duai purtar cletg a l’actur Samuel Zünd, sco quai ch’el haja purtà fortuna a ses bab durant decennis, ha declerà Nicole Kündig-Torriani tut commovida suenter avair vis l’emprima giada parts dal musical.

Figlia intgantada da musical

La sumeglientscha da la figura Vico Torriani cun ses bab barmier saja simplamain frappanta. Surtut il moviment, ils gests e la mimica sveglian bellas regurdientschas in ella.

Samuel Zünd cun l'anè ch'el ha survegnì da la figlia da Vico Torriani
Legenda: Samuel Zünd ha survegnì in anè special da la figlia da Vico Torriani per giugar la rolla da Vico Torriani. RTR/A. Caprez
Nus tuts quatter avain uschè in rintg cun la vopna dals Torrianis
Autur: Nicole Kündig-TorrianiFiglia da Vico Torriani

Sper l’anè cun la vopna da famiglia, purtava Vico Torriani durant sia lavur sin tribuna e davant la camera er adina ina culauna enturn culiez sco amulet cun ils nums da la dunna Evelyne ed ils dus uffants Nicole e Reto.

Legende: Video Per far gust sin questa saira... abspielen. Laufzeit 0:37 Minuten.
Or da Trailers dals 22.02.2016.

Livestream tar RTR

Placat da reclama dal musical Hotel Victoria, il musical cun hits da Vico Torriani mess si da nov e preschentà da RTR
Legenda: MAD/RTR

Da la premiera dal musical «Hotel Victoria» dals 24 da favrer a San Murezzan (20:00) fa Radiotelevisiun Svizra Rumantscha in livestream. Quest pudais guardar cumadaivel a chasa:

  • via RTR+ (buttun cotschen da la televisiun)
  • ubain via rtr.ch.