Siglir tar il cuntegn
Inhalt

Engiadina Andri Poo nov directur da las Pendicularas Scuol SA

Il cussegl d’administraziun ha elegì Andri Poo da Sent sco nov directur da las Pendicularas Scuol SA. Quai suenter avair selecziunà 26 annunzias per quest post.

A sanestra Andri Lansel, president dal cussegl d'administraziun sper Andri Poo, nov directur da las Pendicularas Scuol SA.
Legenda: A sanestra Andri Lansel, president dal cussegl d'administraziun sper Andri Poo, nov directur da las Pendicularas Scuol SA. Pendicularas Scuol SA

Sco quai ch’il cussegl d’administraziun communitgescha s’allegran las Pendicualaras Scuol SA d’avair chattà ina persuna indigena per quest post. Era saja quai d'aventatg che Poo enconuscha bain la regiun e ch'el è tras e tras entusiast per il sport da naiv, scrivan las pendicularas da Scuol.

Poo abita a Sent, è inschigner da construcziun e guid da muntogna, ha 43 onns ed era durant plirs onns en la direcziun da la «Swiss Snowsports Association». El succeda uschia ad Egon Scheiwiller che banduna las pendicularas suenter 15 onns sco directur.

RR novitads 12:00