Siglir tar il cuntegn
cuntegn

Engiadina Andri Lansel e la “Patrouille des Glaciers”

Gia per la terza giada sa participescha Andri Lansel che ha 55 onns a la «Patrouille des Glaciers». Lansel fa la cursa da tura cun skis ensemen cun Gianna Rauch ed Andri Poo da Sent.

Da sanester Andri Lansel, Gianna Rauch e Andri Poo avant da cursa dal 2014
Legenda: Da sanester Andri Lansel, Gianna Rauch ed Andri Poo avant la cursa dal 2014 MAD

Il Trio da Sent è ina da las paucas patruglias rumantschas che fan la «Patrouille des Glaciers». La partenza è a Zermatt, l’arrivada a Verbier. La cursa ha ina distanza da 53 kilometers ed ina differenza d’autezza da 4000 meters. Quai correspunda a 110 kilometers da prestaziun.

La cursa ha gì sia premiera l’onn 1943, quella giada sco cursa da patruglias militaras che valeva sco trenament durant la segunda guerra mundiala per l’Armada svizra. Oz è la «Patrouille des Glaciers » in eveniment sportiv cun radund 4700 curriduras e curridurs.

Andri Lansel, Gianna Rauch e Andri Poo sin la Rosa Blanche sin 3150 meters sur mar, l'onn 2014
Legenda: Andri Lansel, Gianna Rauch e Andri Poo sin la Rosa Blanche sin 3150 meters sur mar, l'onn 2014 MAD