Siglir tar il cuntegn

Header

Navigaziun

Legenda: Guardar il video Alps emblidadas survegnan nova glischur. Durada 02:44 minutas.
Or da RTR dals 30.09.2016.
cuntegn

Engiadina Alps emblidadas survegnan nova glischur

A Valsot sur la fracziun da Ramosch sa chattan anc numerusas alps en decadenza. Ina fundaziun vul ussa renovar e mantegnair quai ch'exista anc.

L'onn 1954 han ins probablamain tratg a niz la davosa giada ils stabiliments sco alp per las vatgas. E dapi lura van quels stabiliments pli e pli en decadenza.

Possessurs eran ils purs

Ils possessurs dals stabiliments eran ils purs da l'anteriura vischnanca da Ramosch. Quels avevan era fin dacurt ils dretgs. Cun l'introducziun da la megliuraziun ha ussa la vischnanca da Valsot survegnì la parcella, e cunquai era ils objects che sa chattan sisura.

La visiun

Sco emprim pass duess la vischnanca mantegnair la substanza existenta, e cun quai era l’istorgia da questas alps. Quellas lavurs vegnan coordinadas en collavuraziun cun la fundaziun «Baustelle-Denkmal», ensemen cun la fundaziun «Pro Terra Engiadina». La finamira fiss però da realisar localitads per abitar per gruppas che s’engaschan explicit per la natira.